Nnbi Dawed
Amdan yesɛan ul n Ṛebbi.
Nnbi Dawed, d afennan d amedyaz meqqṛen. Iḥemmel ad iseggem ccna. Iḥemmel daɣen ad yecnu s ugambar. Kra si tuɣac-is, 3000 iseggasen degmi tent-yura, ttawint-d ɣef wayen iɛac. Tuɣac ittusemman, Ihellilen.
Yiwen yiḍ yeḍwan s tziri, itran ttreqriqen deg genni, Dawed deg alma, ikess ulli n baba-s. Akken yessikid di tegnawt yettfeǧǧiǧen s teftilin, yura-d ccna ara naf deg Ihellilen:
" Ay Ameɣlal, a Ṛebbi-nneɣ ! Isem-ik yufrar-d ɣef ddunint meṛṛa !
Tanaya-inek tekka-d nnig igenwan...Mi ara ssikdeɣ deg igenwan, i xedmen ifassen-ik,
aggur d yetran i tṛeṣṣaḍ...
D acu-t wemdan, iwakken a t-i-d temmektiḍ ?"
Yesteɛǧeb Dawed s temɣeṛ n usnulfu n Yillu. Yewhem amek, Yillu i d-yesnulfan amaɣrad meqqṛen, ad yerr lbal-is ɣer wemdan.
Di tgunit nniḍen, deg yiwet n tezlitt, immeslay-d ɣef Yillu d Ameksa Ameqṛan. Yeqqar-d, Ameksa-ines Meqqṛen yettak-as-d tudert yettuberken:
"Ameɣlal d ameksa-inu
Ur d-iyi-ttxuṣṣu kra
Yettak-iyi-d asteɛfu deg almaten zegzawen,
Ittawi-yi ɣer waman irsen
Yettarra-d afud i terwiḥt-iw,
Ittawi-yi deg iberdan n teɣdemt,
Ɣef ddemma n yisem-is.Mi ara leḥḥuɣ di teɣza n tili n lmut,
ur ttagadeɣ ara cceṛ, ay Ameɣlal,
axaṭeṛ telliḍ yid-i,
Tiqwitt-ik d uɛekkaz-ik, ḍemnen-iyi.Tettheggiḍ-iyi-d ṭṭabla zdat n yeɛdawen-iw ;
tdehneḍ aqeṛṛuy-iw s zzit,
taqbuct-iw tettfeggiḍ.S tidett, rrezg d ṛṛeḥma ad ttilin yidi ussan akk n tudert-iw ;
ad zedɣeɣ a d-uɣaleɣ ɣer wexxam n Umeɣlal tudert-iw meṛṛa."
Tudert n Dawed, am tin n yal amdan, ur tḥebbes ara kan ɣer tizi n lmut. Akkin, Laxeṛt a ttili i lebda. Ibeggen-d Dawed asirem-is di tudert-agi n dayem, s yiwen n ccna yellan daɣen d taẓallit i yuzen i Yillu:
" Bɣiɣ ad zedɣeɣ i lebda deg ahin-ik,
ad ddariɣ ddaw n wafriwen-ik.
Axaṭeṛ kečč, ay Illu, teqebbleḍ-d lebɣi-w,
Tettakeḍ-iyi-d lwert n wid yettagaden isem-ik."
Yewwi-d Dawed lewhi igerzen: Iɛac-d tudert yettubarken. Ur yugad ara lmut, imi yeḥṣṣa yid-s i yella Yillu. Yurǧa ad yesɛu tuder i lebda tettubarek, mbaɛd lmut.
Ɣur-wen ula d kenwi lewhi am agi ? Tzemrem a t-tesɛum, axaṭeṛ Dawedc yella d amdan am netta am wiyyiḍ. Yeẓra amek tyettawi ddnub, i zedɣen ul-is, ad ixemmem yerna ad yexdem cceṛ. D ayen i t-yesḥeznen aṭas. Iqeṛṛa-d i Yillu ibekkaḍen-is, iḍleb deg-s asuref. Imi yeẓra ur yezmir ara s yiman-is ad ibeddel ul-is. D ul yeččuren s yir lebɣi aked ibekkaḍen. Yetter di Ṛebbi a t-ibeddel:
"Ay Illu! ḥunn fell-i s wakken tella ṛṛeḥma-k,
s wakken tella leḥnana-k meqren, mḥu aɛaṣi-yinu;Ssired-iyi s lekmal seg uzgal-iw,
tessizdgeḍ-iyi si ddnub-iw.Axaṭeṛ setɛerfeɣ s uɛaṣi-yiw,
abekkaḍ-iw yezga zdat-i.D kečč i ɛuṣaɣ, d kecc kan,
yernu xedmeɣ ayen illan ɣur-k d cceṛ;
s wakka ad tiliḍ d aḥeqqi d ayen ara d-tiniḍ,
teṣfiḍ deg usizref-inek.Atah: luleɣ-d di ddnub,
di ddnub i terfed yissi yemma.Meɛna tḥemleḍ ad tili tidett di lqaɛ n wul,
Di sser tesselmadeḍ-iyi tekyes !Kkes ddnub-iw s umezzir dɣa ad ṣṣfuɣ;
Ssired-iyi dɣa ad imluleɣ ugar n wedfel.Becceṛ-iyi-d rrezg d lferḥ,
dɣa ad feṛḥen yeɣsan i tesdegdgeḍ.Zzi udem-ik ɣef ibekkaḍen-iw,
mḥu akk izgalen-iw.Ay Illu! Xleq-d dgi ul yeṣfan,
ɛiwed-d dgi ṛṛuḥ iṛeṣṣan.Ur yi-ssibɛid ara ɣef udem-ik,
ur yi-tekess ara ṛṛuḥ-ik iqedsen.
Err-iyi-d lferḥ n leslak-ik,
rfed-iyi s ṛṛuḥ yeččuṛen d leḥrara!Ad slemdeɣ iberdan-ik i yimɛuṣa,
imednuben a d-uɣalen ɣur-k.Ay Illu, ay Illu n leslak-iw!
Sukkes-iyi seg idammen yuzzlen,
Dɣa iles-iw ad icnu taɣdemt-ik.A Sidi Ṛebbi! Ldi imi-w,
ad iberreḥ yiles-iw s leḥmadi-inek.Axaṭeṛ ur k-issefraḥ ara wesfel,
yili fkiɣ-ak-tin;
ur teqbbelḍ-ara asfel yerɣan.Iseflawen ɣer Yillu, d ṛṛuḥ iṛṛẓen;
Ay Illu! Ur teḥeqreḍ ara ul iṛṛẓen imeḥqen."
Yettbeggin-d uhellil-agi abeddel n Dawed. D aqiṛṛi n wergaz iḍelben asuref i Ṛebbi, axaṭeṛ issexṣeṛ ɣur-s. Tura yeqsed ad iwexxeṛ ɣef ddnub, yessutur deg Anezmar, ad s-yaɛfu.
Amek ara isuref i ddnub, Illu amqeddes ? Asuref n ddnub yewwi-d asfel: Yenna-t-id Dawed deg isefra d ccnawi-ines. Yemmeslay-d ɣef Win akken ara yefken iman-is d asfel ɣef ddnub n yemdanen, yerna yettumerret, yemmut yir lmut. Immeslay-d ɣef wemdan-agi i ɣef ḍsan, i ḥeqqren yerna xedmen deg-s afernas:
"Wid meṛṛa i yi-ttwalin ttmesxiṛen fell-i,
Uɣaleɣ am aman ittṛuḥen,
ddegdgen meṛṛa yeɣsan-iw.Flan ifassen-iw d iḍarren-iw.
Feṛqen ger-asen iceṭṭiḍen-iw,
gren tasɣert ɣef ubernus-iw;iceqqeq wul-iw si ddel… "
Ɣef anwa i d-yettmeslay Dawed mi d-iberreḥ s lumuṛ-agi? Mačči ɣef yiman-is i d-yemmeslay, imi ayenni, ur d-as-d-yeḍṛi ara i netta. Yettmeslay-d ɣef Win akken ara yemten, iḍaṛṛen-is d ifassen-is flan, i wsuref n ibekkaḍen-nneɣ.
Tura, uqbel ad taẓem ɣer zdat, rret-d ɣef umseqsi n temsirt-agi.
